BOSHQARMA BOSHLIG‘I HUDUDLARDA O‘RGANISHDA

Toshkent tumani

Ayni kunlarda barcha hududlarda yangi o‘quv yilmga tayyorgarlik ishlari jadal ketmoqda. Yangi umumta’lim maktablari, maktabgacha ta’lim muassasalari qurilmoqda, mavjud ta’mirtalablari kapital ta’mirdan chiqarilmoqda.

Kuni kecha viloyat Maktabgacha va maktab ta’limi boshqarmasi boshlig‘i Shukur Burxonov Toshkent tumanida bo‘lib hududdagi maktab va maktabgacha ta’lim muassasalarida bo‘ldi.

Dastlab, tumandagi "Halimkor" MFYda qurilayotgan yangi maktab binosi bilan tanishdi. Olib borilayotgan ishlarni ko‘zdan kechirdi. Quruvchilar bilan suhbatlashib, ularga hamda taklif va tavsiyalarini berdi.

Shundan so‘ng hududdagi 25-sonli Davlat maktabgacha ta’lim tashkilotida bo‘ldi. Tashkilot pedagog kadrlari hamda rahbariyati bilan uchrashib, ularning yangi mavsumdagi rejalri bilan tanishdi.

Shu kunning o‘zida boshqarma boshlig‘i tumandagi 17-sonli umumta’lim maktabida ham bo‘ldi. Yangi o‘quv yiliga tayyorgarlik, qurilish-ta’mirlash ishlari qaysi jarayonda ekanligini o‘rgandi. Mas’ullarga tegishli ko‘rsatma va vazifalarni belgilab berdi.