Bo‘stonliq tumanida yana bir Oilaviy nodavlat maktabgacha ta’lim tashkiloti foydalanishga topshirildi.

"Bunyodkor" mahalla fuqarolar yig‘ini hududida joylashgan 41 o‘ringa mo‘ljallangan Oilaviy nodavlat maktabgacha ta’lim tashkiloti zamonaviy binoda o‘z faoliyatini boshladi.

Oilaviy nodavlat ta’lim tashkilotini ochilish marosimida tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Jasur O‘rtiqboyev hamda tuman Maktabgacha va maktab ta’limi bo'limi boshlig‘i Ibrohim Izzatullayev ishtirok etdi.

Yangi tashkil etilgan Oilaviy nodavlat ta’lim tashkilotida 4 nafar malakali pedagoglar ish boshladi. Endilikda qishloq bolajonlari zamon talablariga to‘liq javob beradigan oilaviy nodavlat maktabgacha ta’lim tashkilotida tarbiyalanadi.