BOSHQARMA BOSHLIG‘I HUDUDLARDA

Olmaliq shahar

Bugun Toshkent viloyati Maktabgacha va maktab ta’limi boshqarmasi boshlig‘i Shukur Burxonov hududlardagi umumta’lim maktablarda yangi o‘quv yili oldi tayyorgarliklari hamda maktabgacha ta’lim tashkilotlari faoliyati bilan tanishdi.

Xususan, Shukur Burxonov Olmaliq shahridagi 7-, 21-sonli umumta’lim maktablarida amalga oshirilayotgan ishlarni o‘rgandi.

Aytib o‘tishimiz kerak, ayni kunlarda 21-sonli umumta’lim maktabida mukammal ta’mirlash ishlari olib borilmoqda. Bino yangi o‘quv yilida barcha qulayliklarga ega holda o‘quvchilarni o‘z bag‘riga oladi. Boshqarma boshlig‘i, olib borilayotgan ishlarni ko‘zdan kechirish bilan bir qatorda, bino ta’miri, uni jihozlash borasida ham zarur tavsiyalarni berib o‘tdi.

Shahardagi 7-sonli umumta’lim maktabi joriy yilda "Tashabbusli budjet" loyihasida muvaffaqiyatli ishtirok etib, ayni kunda maktab binosida ta’mirlash ishlari amalga oshirilmoqda. Boshqarma boshlig‘i, shahar maktabgacha va maktab ta’limi bo‘limi rahbari Husniddin Turg‘unboyev hamrohligida muassasada qilinayotgan ishlar bilan yaqindan tanishdi. Mas’ullarga qurilish, ta’mirlash va jihozlash borasida muhim tavsiyalarni berib o‘tdi.