"Xorijiy tillarni oʻqitish boʻyicha eng yaxshi maktab" tanlovining test sinovlari o‘tkazilmoqda

Bugun Oʻzbekiston Respublikasi Prezidenti sovrini uchun "Xorijiy tillarni oʻqitish boʻyicha eng yaxshi maktab" tanlovining Respublika bosqichi doirasida test sinovlari bo‘lib o‘tmoqda.

Ushbu bosqichda ishtirokchilar milliy  “Multilevel” testi vositasida tinglab tushunish (listening), yozish (writing), gapirish (speaking) va o‘qish (reading) ko‘nikmalari bo‘yicha o‘z bilimlarini sinovdan o‘tkazishadi.

Ayni paytda 14 ta hududiy g'olib maktab jamoalari final bosqichida o‘zaro kuch sinashmoqda. Ahamiyatlisi shundaki, o‘quvchilar bu yil ilk bora fransuz tili yo‘nalishida ham ishtirok etish imkoniyatini qo‘lga kiritdi.