TOSHKЕNT SHAHAR VA TOSHKЕNT VILOYATI PЕDAGOGLARI NAVBATDAN TASHQARI KASBIY SЕRTIFIKATLASH SINOVLARIDAN O‘TMOQDA

Xabaringiz bor, O‘zbekiston Respublikasi Vazirlar Mahkamasining 2024-yil 12-fevraldagi 87-son qarori bilan davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamenti tasdiqlangan. Ushbu qarorga muvofiq, ayrim pedagog kadrlar kasbiy sertifikatlash sinovlariga jalb etib kelinmoqda.

19-21-avgust kunlari bo‘lib o‘tadigan mazkur sinovlarda Toshkent shahridan 611nafar, Toshkent viloyatidan 1436 nafar pedagog o‘z bilimlarini sinovdan o‘tkazishadi.

Ma’lumot uchun: ushbu sinovlarda pedagogning mutaxassislik fani bo‘yicha bilim darajasini aniqlash uchun 40 ta, pedagogik mahoratini baholash uchun 10 ta, jami 50 ta test beriladi. 56 va undan yuqori ball to‘plagan talabgor nazorat sinovidan o‘tgan hisoblanadi va uning shaxsiy kabinetiga elektron shakldagi sertifikat yuboriladi.

Nazorat sinovlarida Kasbiy sertifikat olishga da’vogar bo‘lgan davlat umumiy o‘rta ta’lim tashkilotidagi stajor-o‘qituvchilar yoki attestatsiyadan o‘ta olmagan, mutaxassis (oliy ma’lumotli o‘qituvchi) lavozimiga muvofiq emas, deb topilgan pedagog kadrlar ishtirok etadi.