"O‘zkomnazorat" inspeksiyasi bilan hamkorlikda Toshkent viloyatidagi Maktab va maktabgacha ta’lim muassasalari AKT mutaxassislari uchun ochiq muloqot tashkil etildi.

Bundan maqsad ta’lim maskanlarida internet xizmati sifati yuzasidan kelib tushadigan murojaatlarning oldini olish hamda muammoni joyida hal etishdan iborat.  Tadbirda AKT mutaxassisi vazifalari, muammoli vaziyatlarda mas’ul tashkilotlarga qanday murojaat qilish tartibi yuzasidan tushuntirishlar berildi.

Unda qator tashkilot mutasaddilari, soha xodimlari hamda fuqarolar qatnashib, o‘z fikr-mulohazalari, taklif va murojaatlarini bildirdi.